TACLOBAN CITY – Padayon an pagpatuman han mga programa nga makakabulig ha mga kabataan nga istudyante labi na yana nga tikaharani na an pagbalik-ekswela han mga kabataan.
Sumala kan Department of Education Tacloban City Division Information Officer, Dr. Nilo Eder, mayda duha nga programa nga gin-iimplementar ha Department of Education: an Tara, Basa! Tutoring Program han Department pf Social Work and Development ngan an Summer Remediation Program.
Ha ilarom han SRP in mayda gihapon iba-iba nga programa: an ARAL Summer Reading, ARAL Summer Math, SHS Remediation Program, ngan Summer Academic Remedial Program (SARP).
Ha Tara, Basa! Tutoring Program, pwede magpartisipar an mga incoming Grade 2 pupils nga nakukurian pa ha pagbasa o dire nakakabasa.
Nagtikang an implemenstasyon nasabi nga programa yana nga tuig dida han Abril 20 ngan nakatalaan maghuman yana nga Mayo 15.
Ada naman ha 23 nga elementary schools an natudlok nga partisipante, kun diin may-ada ini 1,300 nga mga istudyante, ngan 260 nga tutors.
Para naman han Summer Remediation Program, an mga target nga istudyante han programa in tikang ha Grade-2 kutob Grade-11 nga lebel ngan aada ha “not proficient,” “low proficient,” o “frustration” levels, sugadman adton mayda mga bagsak nga duha ka-subjects.
