TACLOBAN CITY– Ginpaangbit han usa nga Profesor ha Eastern Visayas, an iya opinyon kasumpay nagin State of the Nation Address SONA ni Pangulong Ferdinand Marcos Jr.
Sumala kan Prof. Ladylyn Mangada, University of the Philippines Visayas- Tacloban Campus, nga kun susumahon waray gud ka-klaro an mga nagin statement ni PBBM kun diin damo nga mga proyekto an ginpaghingadayan hine ha iya nagin speech, ngan kadam-an naman in waray pa kahuhuman.
Dugang pa ni Mangada, nga damo an nawara nga detalyi ha nasabi nga SONA, nga kun diin an karuyag mangud han publiko, an resulta han mga ginpapatuman nga proyekto han adminstrasyong Marcos.
Ginmalatumat naman hine, nga naka-kuha la hin sentimento an Pangulo ha iya nagin disisyon nga ig total ban an POGO, ngan an kasumpay ha pagdepinsar han katungod ha West Philippine Sea.
Naglalaom naman ine, nga matatagan hin panahon an tanan nga mga patapod han Presidente, kun diin padayon la gihapon na-aabat han ada ha vulnerable sector an kakuri han panginabuhi.
