TACLOBAN CITY – Presuhan an gindangatan han usa nga school principal mahuman ini nga madakop ha ginbuhat nga buybust operation ha Brgy. Obrero Calbayog City, Abril 29.
Sumala kan Rogellette Urgel, tagapagyakan han Philippine Drug Enforcement Agency (PDEA) Regional Office 8, an naaresto nga high value target in ginkilala kan Arnold Abellar, 45 anyos an pangidaron ngan residente han mao nga barangay.
.
Durante han operasyon, napalit ngan nakumpiskar daw tikang ha posisyon han suspek an tulo ka-sachet han gintutuuhan nga shabu nga ginbabana bana nga nagkakantidad hin PHP 68,000 pesos.
Nakuhaan gihapon ini hin usa nga PHP 1,000 nga gingamit kumo buy bust money ngan usa nga caliber 35 nga pusil.
Ginkumpiskar liwat han mga otoridad an gingamit hini nga motorsiklo.
Nagpapabilin naman ha kostudiya han Calbayog PNP an suspek ngan maatubang ha kaso ha pagtalapas han RA 9165 o an Comprehensive Dangerous Drugs Act of 2002.
