-- Advertisements --
TACLOBAN CITY – Ginpa-angbit han City Agriculture Office, nga subay ha ira nagin price monitoring, may pagios an presyo hiton mga prutas yana labi na nga 2 nala ka-adlaw ugsa an bag-o nga tuig.
Sumala kan Tacloban City, Head Agriculture Office, Romelo Anade, nga pira nga mga lidong nga prutas an namag-increase ngan ira na ine ginlalauman kinada tipag-babag-o iton tuig.
Dugang pa ni Anade, damo mangud nga mga pamilya an nagtutuo nga nagdadara hin swerte an mga lidong nga prutas.
Ginmalatumat hine nga dire naman kaparehas han nakalabay nga tuig nga hitaas kaduro an gin-umento han mga prutas yana nga tuig, kun diin ha pagkayana minimal la an pag-gios han presyo hine nga akos hiton mga konsumidor.
