METRO MANILA – Magpapabilin an presente nga presyo han mga pangunahon nga papliton dire la kutob ha Abril 16 kundi magin ha bug-os nga bulan han Abril.
Ini an ginanunsiyo ni Department of Trade and Industry Sec. Cristina Roque kasunod han meeting nira kaupod an mga tinaglawas han manufacturers dida han Lunes.
Sumala kan Roque, sumugot an mga manufacturer nga dire laanay labtan an presyo kutob ha kahuman han bulan ha kaluyo han epekto han padayon nga paghitaas han presyo han lana.
Kaupod naman ha mga produkto nga dire laanay ma-umento in an sardinas, corned beef, meatloaf, pinoy pandesal, mga sabon ngan ibapa.
Ginsagdunan naman han sekretarya an mga mamaralit nga kuhaon an listahan han 205 nga mga produkto nga sakop han basic necessities and prime commodities nga dire pa mahitaas an mga presyo agud magsirbe kumo giya ha pamamalit.
