BABATNGON, LEYTE – Gin balhin na an poste nga nagkawsa hin disgrasya ha Brgy. Gov. Jaro (for. Bagahupi), Babatngon, Leyte, kun diin usa nga tourist transport an bumunggo dida han nakalabay nga adlaw.
Ginkilala an driver kan Wenifredo Heraldo, 62-anyos an pangidaron ngan residente han Sitio 22, Brgy. Guintigui-an, Babatngon, Leyte
Sumala kan Babatngon Municipal Police Station Chief of Police, PLt. Renerio Sister, nahingapiyong an drayber an nasabi nga sarakyan samtang nagma-maneho rason han pagbunggo hine ha poste.
Basar han imbestigasyon, nagbibiyahe an sarakyan tikang ha Tacloban ngan tikadto ha Babatngon, kun diin dida han pasado ala-una han maagahon han nakalabay nga adlaw in tigda la daw ine nga lumiko nga pumukdol ha poste han kuryente.
Waray naman iba nga sakay han nasabi nga sarakyan kundi an driver la, kun diin talwas naman ine.
Nag-angkon naman an driver hin mga bun-og ha lawas, pero waray na ine magpadara ha hospital, lugod in nagpadurayhag nala ha ira balay.
