METRO MANILA – Diri magbabag-o an posisyon ni Presidente Ferdinand Marcos Jr. ha isyu han pagbalik han Pilipinas ha Rome Statute o ha International Criminal Court (ICC).
Sumala kan Palace Press Officer Usec. Claire Castro, kalugaringon nga ginmando han Presidente nga diri la gihapon magre-rejoin an Pilipinas ha ICC.
Han ginpakianhan, ginmalatumat la hi Castro nga amo la an ginpaabot ha iya tikang han Presidente ngan waray na iba pa nga ginhatag nga dugang nga eksplikasyon.
Mayada mga panawagan nga ibalik an pagigin miyembro han Pilipinas ha ICC dungan han pagtikang han confirmation of charges hearing kontra kan anay Presidente Rodrigo Duterte.
Manunumduman nga nagin kaparte an nasud han Rome Statute tikang dida han han 2011 kutob 2019 mahuman nga bumulag an Pilipinas ha ilarom han nakakabay nga administrasyon.
