INTERNATIONAL – Nanawagan hi Pope Leo XIV nga buhian an mga naaresto nga journalist ngan gintagan hin duon an importansya han libre ngan patas nga journalism.
Nagpaangbit gihapon an Santo Papa han iya pakikiduyog ha mga journalist nga napreso tungod han ira paniguro nga ipaabot la an kamatuoran.
Ginmalatumat niya an kabayanihan han mga journalist nga nagapasamwak hin kamatuoran ha luyo nga iginbubutang ha peligro an ira mga kinabuhi ngan ginpahinumdom niya an mga nasud nga an mga tawo la nga mayda supisyente nga impormasyon an makakahimo hin independent nga mga desisyon.
Ha iya pulong, gintagan gihapon hin duon han Santo Papa an importansya han paggamit hin mga pulong para han kamurayawan ngan pagsalikway ha mga kasamok. Sumala ha iya, an kamurayawan in nagtitikang ha kada tagsa ha aton, ha kon paonan-o naton ginkikita ngan ginpapamatian an kada tagsa.
