METRO MANILA – Mahugot nga ginbabantayan han Philippine National Police an mga pangunahon nga kakarsadahan, kaupod an EDSA ngan Davao City, kumo pangandaman ha mga pagdudumaraon nga gios-protesta buwas nga adlaw, Marso 11, kadungan han syahan nga anibersaryo han pagka-aresto ngan pagkakapresyo ni anay presidente Rodrigo Duterte.
Ginlalauman nga magkakamay-ada hin usa nga motorcade rally nga magsusubay tikang ha EDSA tikadto ha Villamor Air Base. Mahitungod hini, nagpasarang hin kadugangan nga pwersa an kapulisan agud igpabilin an kahimyang ngan seguridad.
Sumala kan PNP Chief Gen. Jose Melencio Nartatez Jr., padayon an ira mahugot nga pagbabantay ha mga importante nga developments ngan nakikigsumpayan na gihapon ini ha mga lokal nga gobyerno.
Panuyo han pitad han Pambansang Pulisya nga masigurado an katalwasan han publiko.
Gin rerespeto naman han nasyunal nga pulisya an libre nga pagpapahayag han ‘saloobin’ pero gin klaro han PNP an mandato hini nga siguraduhon nga waray insidente nga magruruba ha normal nga aktibidad ngan masiguradho nga waray hulga ha kahimyang ngan kahapsay.
Nagpalusad na gihapon hin mahugot nga kamanduhan hi Nartatez ha iya han-ay nga igpabilin an maximun tolerance kontra ha mga demonstrador.
