Iginmando ni Police chief acting Lt Gen. Jose Melencio Nartatez Jr., an full-scale manhunt kontra ha gunman nga responsable ha pagpatay ha anay beauty queen ngan magturutdo nga hi Lullete Jane Ramilo-De Guzman ha Isabela.
Hi Ramilo-De Guzman, usa nga anay Ms. Philippines-Earth runner-up, in nakadto ha sulod han iya sarakyan kaupod an iya mga anak han pamusilon han waray pa kakikilal-i nga lalaki ha Barangay Cabaritan, San Manuel dida han Pebrero 13.
Sumala kan Nartatez, ginmanduan niya kapulisan ha Cagayan Valley nga tudlukon an motibo ha luyo han pag-atake ngan padagmiton an pagkilala ngan pag-aresto ha mga responsable.
Nag-hatag an lokal nga gobyerno han San Manuel hin P50,000 nga pabuya para ha hin-o man nga makakaghatag hin impormasyon nga magtutudlok ha responsable.
Naghatag gihapon hin tag-P50,000 an buhatan ni Rep. Faustino Michael Dy ngan hi Board Member Manuel Faustino King Dy, rason nga umabot na ha P150,000 an reward money.
