ODD NEWS– Ginkalasan an mga beterinaryo ha Oklahoma City, han madiskubrehan an usa nga Pitbull nga may kakaiba nga pustura.
Tungod waray nagtatag-iya, gindara han mga otoridad an grey Pitbull nga hi Toad ha Oklahoma City Animal Welfare shelter, para igpakonsulta ha mga beterinaryo an iya kahimtang.
Dinhi nadiskubrehan han mga ini an kakaiba nga pustura ni Toad, han makitan ha iya talinga an usa pa niya nga baba.
May-ada ini mga developed nga ngipon ngan nakitaan gihapon ini hin ‘mucus’ o laway.
Sugadman diri ini maikokonsidera kumo usa nga ganap nga baba tungod waray ini panga.
Sumala ha mga nagcheck ha mao nga pitbull, pupuydi nga may-ada kakambal hi Toad dida han hiya in nakada pa ha tiyan han iya nanay pero posible daw ini in iya na absorb amu nga waray na developed an iya kakambal.
Mahuman nga maibalita han media an kasumpay ha iya kahimtang ngan tungod waray naman nagtatag-iya ha iya, in gin adopt nala hiya han usa nga nag ngangaran kan Heather Hernandez nga founder han usa nga animal charity.
