TACLOBAN CITY– Guinbuyagyag han pira nga magtatrabaho ha syudad han Tacloban an diri pagsunod han mga employer ha guinpapatuman nga minimum nga panwelduhan.
Sumala kan Jay-r, nga ha mandato nga minimum wage han Department of Labor and Employment (DOLE) nga P285.00, nakakarawat la hini an P220.00 nga kinada adlaw nga sweldo tikang ha iya employer.
Gui istorya pa ni Jay-r nga ha mga higayon nga nabisita ha iya guintrabahuan an mga tinaglawas han Social Security System (SSS) ngan DOLE in guinpapatago daw ini kaupod an pira nga mga katrabaho.
Dugang pa hini, nga napiritan nala an iya mga katrabaho nga mag-awol mahitungod han diri sadang nga swedlo para ha pag-gastos han mga panguna nga panginahanglanon.
Mababaruan nga ha tiaraot liwat nga Hunyo 25 an presente nga P285.00 in magiging P305.00 na an miimum nga
panwelduhan ha bug- os nga Rehiyon 8.
