Pira nga Philippine-flag ships na an nakasulod ha Strait of Hormuz mahuman an kasabutan ha butnga han Pilipinas ngan Iran, sumala kan Energy Secretary Sharon Garin.
Ha usa nga online press conference, gintagan-duon ni Garin nga ini nga mga barko in dire pa nagdadara hin lana kundi iba nga produkto sugad han petrochemicals.
Gintagan-duon gihapon ni Garin nga importante nga klaro an clearance dire la para ha mga Philippine vessels kundi para ha mga produkto nga tikadi ha nasud ngan ha katalwasan han mga crew.
Kilala an Strait of Hormus kumo makipot nga aragian nga amu an nagdudugtong ha Persian Gulf ngan Gulf of Oman tikadto ha Arabian Sesa.
Ugsa an presente nga krisis, dinhi na naagi an haros 20% han suplay han lana ha kalibutan, pati na gihapon an iba pa nga importante nga kalakal.
Manunumduman nga ginsarado ini han Iran kasunod han mga pag-atake han US ngan Israel.
Subay ha notisya, yinukot-yukot nga mga Pilipino nga tripulante an stranded ha Persian Gulf ngan ha Strait, kun diin dire pa hini kaupod an mga nagta-trabaho ha offshore facilities.
Ginmalatumat naman han Department of Migrant Workers nga ira ginbubuhat an ngatanan agud mabuligan an mga Filipino crew members nga naapektaran han kasamok.
