TACLOBAN CITY- Guinkakasubo han pira nga nag-ooperate han Small Town Lottery(STL) an natataraan han mga kapulisan nga mga otorizado nga nagpapataya hin lotto ha magkadirudilain nga lugar ha Sinirangan Bisayas.
Sumala kan Reynan Lagado- Operations Manager han Victoria Development and Ventures Corporation nga nakukurian an ira pamunuan mahitungod na guihapon han mahugot nga operasyon han Philippine National Police (PNP) alakontra ha illegal gambling.
Dugang pa ni Lagado nga sakop han ira mga otorizado nga nagpapataya an bug-os nga Northern Leyte amo nga diri gud angay nga dakpon han kapulisan an mga napakadto ha mga sapit nga bungto para magpataya.
Mababaruan nga panibag-o la nga nagpagawas hin memorandum an Philippine Charity Sweepstakes Office (PCSO) ha mga kapulisan may kalabutan ha mga aludayday nga kinahanglan subayon han mga ini.
An kaparte han pamahayag ni Reynan Lagado- Operations Manager han Victoria Development and Ventures Corporation
Samtang, una na nga guinpahayag ni Lagado nga nagsarado an ira operasyon ha iba nga bungto mahitungod na guihapon han low performance pero nakabalik na ini ha normal ha pagkayana.
