TACLOBAN CITY– Ginmalatumat hiton pira nga City Councilor hiton syudad, nga nahipausa hira han utro nga pagpatuman hiton Local Public Transport Route Plan (LPTRP), kun diin anay na ine ginsuspender han nakalabay nga tuig an Tacloban City Ordinance No. 2024-15-19 o an “Ordinance Adopting Local Public Transport Route Plan of the City of Tacloban.”.
Sumala kan Atty. Jerry Uy, City Councilor, Tacloban City, an angay buhaton yana in maghangyo hiton alaklade han syudad ngan mahihimo in igpadayon nala an nasabi nga suspensyon han ordinansa, matungod damo iton maapektaran.
Dugang pa hine, nga han takna nga ginpatuman an suspensyon in nagpatapod hi anay City Councilor Leo Bahin, nga papanginanuon an nasabi nga ordinansa tinikangan han Setyembre 2024, pero kutob yana nga tuig in waray in kapanginano.
Ginmalatumat pa ni Atty. Uy nga makukurian an ira opisina ha legislative matungod nga waray may ginhimo nga pitad kahuman han suspensyon.
Ginpaangbit pa ni konsehal Atty. Uy, nga an masayon nga pamaagi in makig-himangraw an mga apektado nga commuters ngan drivers kan Tacloban City Mayor Alfred Romualdez, agud nga magkamayda hin kabatunan an nasabi nga himangrawon.
