TACLOBAN CITY– Utro nga gin-sariwa han usa nga historyan dinhi ha Sinirangan Bisayas an gindudumdom yana nga adlaw an ika-39 ka-tuig nga EDSA People Power Revolution 1986.
Sumala Historian, Prof. Rolando Borrinaga, an nasabi nga EDSA People Power Revolution han 1986, an makasaysayan nga rebulosyon han Pilipinas nga waray dumanak nga dugo.
Dugang pa hine, pira ha mga ginpapatamakan nga rason han pagbug-os han People’s power, an natabo han 1972 nga Martial Law, 1986 nga assasination kan Benigno S. Aquino Jr. ngan an 1985 nga snap election.
Ginmalatumat ni Borrinaga, nga han pag-abot 1986, naghimo hin pitad an asawa ni Benigno S. Aquino Jr. nga hi Corazon Aquino, nga balabgan an 20 katuig nga paghadi-hadi han Marcos administration.
Gintagan duon ni Borrinaga, magkalain-lain man an pagtuo han matag-usa, ngan iba-iba an panlantaw ha istorya kasumpay han EDSA Revolution, usa la an buot ipahibaro ha ngatanan, nga an pagkaka-urusa han Pilipino in mayda maupay nga resulta.
