-- Advertisements --
TACLOBAN CITY– Naghatag han iya opinyon an usa nga barangay official, kasumpay ha ginduduso nga 6 katuig nga paglingkod han mga Barangay Chairman ha ira posisyon.
Sumala kan Hon. Colai Go, Information Officer han TFCCC/ Chairman han Barangay 41, Tacloban, nga kun hiya an papakianhan, dire hiya abuyon ha 6 katuig para ha mga barangay chairman nga malingkod ha nasabi nga posisyon.
Dugang pa hine, nga mas maupay an 3 la katuig, matungod nga an 6 katuig in halaba nga panahon, ngan damo an trabaho an kinahanglan nga humamon, ngan nagkikinahanglan ine hin dako nga pondo.
Ginmalatumat hine, nga mas maupay nga igpadayon an election every after 3 years, agud nga magkamayda hin higayon an iba nga mga karuyag nga lumingkod ha pwesto.
