TACLOBAN CITY – Dismayado la gihapon an pira nga mga biktima han bagyong Yolanda han naging resulta han di pala iha nga gindumara nga Public Inquiry kaparte han status han mga housing projects han National Housing Authority (NHA).
Sumala kan Chris Durana, Deputy Secretary General han Kadamay Metro Tacloban Chapter, nga tikang dida han public inquiry nga ginbuhat dida han tuig 2015 kutob han yana nga presente nga inquiry in waray la gihapon nakita nga pinagbagohan.
Dugang pa niya nga baga-baga la hin naging pa pogi-pogi an natabo nga inquiry nga waray nira makuha an ira karuyag nga kabatonan tikang ha NHA.
Panawagan naman nira ha National Housing Authority ngan ha administrasyon Duterte nga gumi-os ha ira mga saad ngan umaksyon base han ira mga patapod.
