TACLOBAN CITY- Nagpahimatngon an mga barangay kapitan han San Jose Tacloban nga mahugot la anay nira gindidire an pamatron agud nga dire makag-kawsa han pagsarang han COVID-19.
Sumala kan Kapitana Melba Villalino, han Barangay 89, San Jose Tacloban, nga usa an ira barangay nga nagkamayada hin lockdown ha sulod hin 3 ka adlaw, tinikangan kakulop Mayo 24, in nag nagbutang na hira hin mga magbabantay ha kada entry point han ira barangay.
Dugang pa hine nga magkakamayada naman hira hin penalidad ha bisan hino nga dire magsusunod han ira ginpapatuman nga kamanduhan, mumultahan hin P2000.00 an mga tagbalay nga maakseptar hin bisita samtang tag 1,000.00 naman an mga mamamatron. Ginpahayag gihapon han mao nga opisyal nga pwede naman nga mag-handa an usa nga tagbalay pero in siguraduhon nga pinamilya la anay an pagselebrar han kapatronan.
Nanawagan naman ine ha iya mga nasasakupan nga magsunod ha ira ginpapatuman nga kamanduhan agud nga dire umatubang ha kaangayan nga penalidad.
