TACLOBAN CITY – Gin paangbit han Department of Public Works and Highways (DPWH) Region 8 an pira nga mga proyekto nga ira naakomplisar dida han nakabalay mga tuig sugadman an mga nagpapadayon pa nga proyekto ha ilarom han Build, Better, More nga programa.
Dida han nakalabay nga tuig-2023, nakagtukod, nakagpaupay. ngan nakag-ayad an nasabi nga buhatan hin 334.03 kilometro nga national roads ngan 51 nga tulay nga nagkakantidad hihn P5.45 billion, nakompleto gihapon an 52 nga flood control ngan drainage projects nga nagkakantidad naman hin P3.214 billion.
Nakag-akomplisar hin 393 hin iba pa nga mga proyekto nga imprastraktura nga nagkakantidad naman hin P4.473 billion nga ginkakalakipan hin water supply system, national buildings, hospitals ngan health facilities, merkado ngan mga slaughterhouse, ngan iba pa nga pampubliko nga imprastraktura.
Kadugangan hine in nakompleto gihapon han DPWH an 62.309 kilometros han farm-to-market road ha ilarom han budget han Department of Agriculture nga nagkakantidad hin P1.612 billion nga may kabalyo nga 91 nga proyekto, pag-implementar han proyekto nga 182 elementary ngan secondary school classroom o 614 nga classrooms nga nagkakantidad naman hin P1.740 billion nga ginpunduhan ha ilarom han Department of Education.
Nakagtukod ngan nakagpaupay gihapon an buhatan hin 11.261 kilometers nga karsada tikadto ha mga tourism destination nga nagkakantidad hin P673.299 million ha ilarom naman han DPWH-DOT Tourism Convergence Program (Tourism Road Infrastructure Project).
