NATIONAL – Susrunod na nga ngarano hin kadugangan nga suplay hin bugas an pira pa nga lokal nga pangobyernuhan ha National Food Authority (NFA) mahitungod han haluag nga relief operations ha mga ginbakwit nga residente mahitungod han haluag nga pagbaha.
Syahan nga nangaro an provincial government han Palawan hin 300 kasako hin bugas ngan sinundan han Puerto Princesa City hin kadugangan naman nga 200 kasako hin bugas.
Sunod naman nga ginpadad-an han NFA an Department of Social Welfare and Development (DSWD) ha Tarlac.
Ngan sumunod an kabug-usan nga 1,000 nga well-milled rice ha probinsya han Pampanga.
Ha interview han Bombo Radyo Philippines kan NFA Administrator Larry Lacson, dayun nga iginpapadara an bulto han bugas tikang ha mga bodega tikadto ha mga LGU ngan mga ahensya nga nangangaro hin kadugangan nga suplay agud maibulig ha mga residente nga apektado han halaug nga pagbabaha.
Nagpapabilin naman nga abri an NFA ha mga kadugangan nga request tikang ha mga LGU nga manginginahanglan hin dugang nga suplay.
