TACLOBAN CITY – Nag-angkon hin danyos an pira nga iskuylahan ha Northern Samar mahuman an na-eksperyensyahan nga linog dida han nakalabay nga adlaw, Agosto 19.
Sumala kan Davy Aplan, Division Information Officer hiton DEPED Northern Samar, as of August 20, mayda na pira nga mga iskuylahan an nagdeklara nga mayda mga damages an ira iskuylahan.
Ha 612 nga kabug-usan nga ihap han mga iskuylahan ha Northern Samar, 24 han mga ine an nag-report nga mayda nira mga naguba ha ha iya iskuylahan kun diin ha 24 nga ihap in duha nakaghipatik hin major damages samtang an salin minor to moderate damages la.
An duha nga iskuylahan nga nagdeklara han major damages in amu an Don Juan F. Abalon National High School han San Roque, Northern Samar ngan Catubig Valley National High School han Catubig, Northern Samar.
Kahuman nga makarawat an report in dayun naman nga nagdeklara an nasabi nga mga iskuylahan hin pag-switch han klase ha modular learning ngan dire pababalikon an mga istudyante ha iskuylahan samtang dire dire nasisigurado an seguradidad han mga ine.
