TACLOBAN CITY- Guinpangunahan han pira nga dagko nga opisyal an pira han mga aktibidadis nga guinbuhat ha
pagtigman han ika-upat nga anibersaryo han Bagyong Yolanda kakulop, upat na katuig an nakalabay.
Sumala kan Leyte Governor Leopoldo Dominico “Mic” L. Petilla nga dako gud nga bulig ha Sinirangan Bisayas an
guinpaabot nga hinabang tikang ha magkadirudilain nga parte han bug-os nga kalibutan kalakip na hini an mga international non-government organizations.
An kaparte han pamahayag ni Governor Leopoldo Dominico “Mic” L. Petilla ha probinsya han Leyte.
Sugad man, guinduon liwat han Bise Gobernador nga mas makusog an mga taga Rehiyon 8 kumpara han Supertyphoon Yolanda
An naging pamahayag ni Leyte Vice Governor Carlo Loreto
Samtang, guinpahayag naman han Mayor han Palo na importante gud an pagkamay-ada hin paglaum ha luyo han mga naaagian nga kasakit agud nga dagmit nga makabangon.
An boses ni Mayor Remedios “Matin” Petilla han Palo, Leyte
Mababaruan nga guinpangunahan han mao nga mga opisyal an candle lightning nga guinbuhat ha kapitolyo ha probinsya han Leyte.
Samtang, ha syudad naman han Tacloban, usa han mga nakiusa hi anay senador Bongbong Marcos kun diin guinkumpara hini an Aquino Adminitration ngan Duterte Administration may kalabutan ha rehabilitasyon ha bug-os nga Sinirangan Bisayas.
An kaparte han pamahayag ni anay Senador Ferddinand “Bongbong” Marcos Jr.
