TACLOBAN CITY- Waray ka pugngi nga madismaya han pira nga miyembro han Lesbian Gay Bisexual Transgender o LGBT community ha Sinirangan Bisayas may kalabutan ha naging resulta han Miss Universe 2017.
Subay ha pakighimangraw han Bombo Radyo Taclobanon han usa nga aminado miyembro han LGBT nga hi Othel Silagan, nga nakulangan ini ha performance ni Rachel Peters mahitungod nga waray ini nagpakita hin kakaiba bisan naman la ha iya pagrampa mahitungod nga nagpabilin la guihapon an porma han infinity walk hini kun diin guinkikinahanglan guihapon an pagkamay-ada hin angas.
Usa guihapon nga nakikita nga disadvantage ni Othel an pagiging hurado ni Pia Wurtzback mahitungod nga posible liwat nga magyakan an publiko nga “Lutong Makaw” an resulta han paisan-isan inkaso nga magdaog hi Rachel.
Samtang, guinkokonsidera la guihapon han kadam-an nga Pilipino na daog hi Rachel Peters mahitungod nga nahilakip ini ha top 10.
