TACLOBAN CITY–Nanawagan an pira ka magturutdo ha Tacloban National High School han pagtukod han ira Senior High School Building.
Ha pakipaghimangraw han Bombo Radyo Tacloban kan Frederick Buenaventura, usa nga magturutdo han mao nga skwelahan, ginmalatumat hine nga nagsusurok na hira mahitungod nga nagtitika dako na it populasyon ha skwelahan.
Nakipag-koordinar na gihapon an ira kampo ha City Engineer’s Office pero ginhuhulat pa daw an mando kanit hine tikang han Alkalde han Tacloban o Mayor Alfred Romualdez.
Dugang pa hine nga mayada gihapon organisasyon nga nangongontra ha pagtukod hine.
Ha presente, nasuksok la an mga magturutdo ha mga magkalain lain nga kwarto mahitungod nga waray gihapon faculty room.
Nanawagan naman hiya ha City Engineer’s Office ngan kan Tacloban City Mayor Alfred Romualdez nga buligan hira ha pagtukod hin dugang pa nga mga school buildings ngan a pagtukod han SHS building mahitungod nga dako na an populasyon han mga estudyante.
