TACLOBAN CITY – Opisyal na nga gin abrihan ha publiko an pinakasyahan nga Department of Health Wellness Clinic ha bug-os nga Sinirangan Bisayas ha sulod han dako nga mall ha syudad han Tacloban.
Presente ha nasabi nga aktibidad hi DOH Secretary Tedeoro Herbosa, kaupod an mga tinaglawas han Department of Health Eastern Visayas, ngan pira nga opisyal han syudad.
Sumala kan Department of Health Secretary Teodoro Herbosa, usa ha mga rason nga ha mall gin abrihan an nasabi nga clinic in mahitungod nga kaurugan han mga kabataan ngan publiko in mas natambay ngan nabisita ha mall kumpara ha mga clinics.
Usa naman ha mga serbisyo nga abilable ha Wellness Clinic in an mga basic services ngan special services sugad han HIV screening and counselling ngan mental health program services.
Dugang pa ni Herbosa, yana nga makabag-o na iton panahon, karuyag niya bag-uhon gihapon an pagkita han mga katawhan nga dire la hospital an pwede daupan kun nagkakasakit an mga ine, mahitungod nga mayda na mas madagmit nga pamaagi agud matagan hin serbisyo-panlawas an mga mayda sakit.
Gintagan-duon gihaphine nga an wellness in an pagkakamay-ada hin sakto nga pagkaon, ehersisyo, ngan sakto nga lifestyle han usa nga tawo.
Nagpasalamat naman hi Herbosa ha ngatanan nga ahensya nga opisyal nga nakiusa ha pormal nga pag-aabiri han DOH Clinic ha syudad han Tacloban.
