TACLOBAN CITY – Ginmalatumat han Bureau of Fire Protection Region 8 nga maabot ha kabug-usan nga 118 an ihap han mga insidente hiton sunog ha Sinirangan Bisayas.
Sumala kan BFP Region 8, Regional Information Service Acting Chief, FINSP. Regine Corpuz, nga kada bulan in mayda nira nahihipatik nga insidente hiton sunog, kun diin, ginkikita naman nga an bulan han Marso an may pinakadamo nga narereport nga kaso.
Basar han ira urhi nga datos, nga an residential fires o an mga nauugbaw nga mga panimalay an may pinakahitaas nga ihap hiton insidente han sunog, ginsundan ini hin storage ngan vehicular fires.
Hitaas gihapon iton ihap han faulty electrical wirings, overloading ha mga saksakan, ngan napabay-an nga mga kandila kumo mga hinungdan naman han sunog.
Sumala pa kan Corpuz, nga mas hitaas iton insidente yana hiton sunog kumpara ha nakalabay nga tuig 2025 nga aada la ha sobra 60.
Dugang hini nga an mga narereport nga sunog kada-bulan in dire isolated case ngan dire mahitungod nga seasonal, nahitatabo ini nga mga insidente mahitungod nga kinahanglan pa doblehon an fire safety awareness ngan prevention han bug-os nga sosyedad.
Samtang, mahugot naman iton ginbubuhat nga information drive han Bureau of Fire Protection agud maipasamwak ha publiko iton insakto nga buruhaton kun mayda sunog ngan kun patinunan-o ini malikikayan.
