METRO MANILA – Nanawagan hi anay Anakalusugan Rep. Mike Defensor ng igbutang ha protective custody hi Orly Guteza ngan an 18 ka-tawo nga nagpakilala nga anay Marines, nga daw nagsirbe kumo bagmen ni anay Ako Bicol Rep. Zaldy Co, agud masigurado an ira seguridad ngan testimonya.
Ha usa nga press conference dida han Miyerkules, in ginpakita ni Defensor an kopya han usa nga 61-page complaint affidavit nga ginsumite han Office of the Ombudsman kontra kanda Co ngan anay House Speaker Martin Romualdez kasumpay han korapsyon ha flood control projects.
Sumala kan Defensor, kaupod ha dokumento an mga testimonya nira Guteza ngan unom ha 18 nga “ex-marines.”
Ginpaangbit gihapon ni Defensor an usa nga audio recording han pag-estorya nira Guteza ngan han iya asawa hadton nakalabay nga tuig, kun diin ginpipirit hi Guteza nga igduon hira Defensor ngan Sen. Rodante Marcoleta mahitungod nga daw ginbabaydan hiya kalabyo han iya testimonya.
Manunumduman nga nawara hi Guteza mahuman hiya tumestigo ha Senado dida han Setyembre, kun diin iya ginmalatumat nga nagdul-ong hiya hin kickbacks kanda Co ngan Romualdez.
Sumala naman kan Defensor, nga bisan man may notisya nga buhi pa hi Guteza, dire hiya maaram kun hain an anay Marine. Panawagan pa han kontesista ha Ombudsman nga igbutang ha protective custody hi Guteza ngan an 18 nga iba pa.
