SAMAR – Ginmalatumat ni anay Samar 1st District Rep. Edgar Mary Sarmiento nga makakagpaduroy an hurob-hurob nga plano nga destabilisasyon kontra ha administrasyon ha mga ginkakaatubang nga problema han Pilipinas.
Ini in kasumpay ha ginaaligar nga plano han pagbuhat hin kudeta han usa nga grupo nga daw na ngaro hin bulig ha mga retired generals han Armed Forces of the Philippines agud paiwason hi Presidente Ferdinand Marcos Jr. ha iya pwesto.
Sumala kan Sarmiento nga dire solusyon an destabilisasyon ha mga ginkakatubang nga problema han Pilipinas, lugod kinahanglan magburublig iton mga aada ha pwesto nga mabaton iton balaong ngan mapaginhawa iton mga molupyo.
Dugang hini nga imbes nga magkaurusa iton mga Pilipino in maghihimo lugod ini hin dako nga kasamok nga mas magpapaduroy hiton mga problema.
An plano nga destabilisasyon in mahitungod han dire maupay nga relasyon ni PBBM ngan ni Vice President Sara Duterte ngan an mga problema nga ginkakaatubang han iya administrasyon.
Manunumduman nga ginmalatumat ni Senate President Pro Tempore Panfilo Lacson nga mayda grupo nga nagpru-prubar nga man recruit ha sakob han AFP agud magbuhat hin People Power Revolution, pero dugang naman han senador nga gutiay iton tyansa nga marecruit an mga ini mahitungod nga propesyunal naman iton Hukbong Sandatahan han Pilipinas.
