ODD NEWS– Nakapaghipatik hin bag-o nga world record an usa nga berry company ha Australia, matunggod ha na harvest hine nga blueberry nga kadako hiton bola han pingpong!
Ginkumpirma han records keeping organization nga Guinness World Records, nga an Costa Berries nga nakabase ha Corindi, New South Wales an bag-o nga record holder han titulo nga “World’s Heaviest Blueberry”. Ine in mahuman hira nga makag harvest hin blueberry nga mayda kabug-aton nga 20.0 grams.
Mababaruan nga an ordinaryo nga bug-at hiton usa nga blueberry in maabot la ha 0.3 grams.
Ginpaangbit naman ni Brad Hocking, usa ha mga napakadako nga na harvest nga blueberry, in hadton Nobyembre 2023 ngan gintago ine nira ha freezer samtang ginsusumiter han mga ine ha Guinness an ira application.
