Opisyal nga ginkilala han Guinness World Records an usa nga busag nga sarapati nga gin ngaranan hin “Sugar” kumo pinakalagas nga sarapati ha kalibutan, mahuman ini umabot ha nakakabilib nga edad nga 44-anyos. Makikit-an hi Sugar ha Missouri, USA.
Komon nga naabot la ha 20 katuig an life expectancy han mga sarapati, pero doble an igin iha ni Sugar. Na-hatch hi Sugar dida han June 23, 1981 ngan nabuhi kaupod an 77-anyos nga tag-iya ini nga hi Dewayne Orender.
Sumala kan Orender, kaurugan hira magkita hin telebisyon ngan mamati ha musika hin magkaupod, ngan iginkokonsidera nira ini nga pinakasuok nga sangkay.
Duro an pagigin suok han duha sanglit dida han na-ospital ngan ginkinahanglan nga humirayo ni Orender hin pira kaadlaw in napansin han iya nanay nga haros dire kumaon ngan nahapa nala an sarapati ha kurungan hini mahitugod ha duro nga pagkamingaw. Bumalik la an kusog ngan bumawi ha pagkaon han makauli na an iya amo.
Gin perdi ni Sugad an nauna nga rekors nga sobra 15 katuig.
Naglalaum unta hi Orender nga umabot an iya alaga ha eada nga 50 agud matagan ini hin dako nga selebrasyon.
