NATIONAL NEWS- Ginklaro han Philippine Institute of Volcanology and Seismology (Phivolcs) na hindi konektado an umigo nga magnitude 6.9 nga linog ha Cebu ha pagbuto han bulkang Taal yana nga Miyerkules, Oktubre 1.
Pag-esplikar ine ni Phivolcs director Dr. Teresito Bacolcol nga danay ine nag-aalburoto an nasabi nga bulkan.
Ha kamatuoran sobra 90 nga phreatic ngan phreatomagnetic eruptions na an naitala tikang han Abril han nakalabay nga tuig.
Ha pagkayana, nagpapabilin an Taal ha Alert Level 1, ngan karuyag sidngon abnormal la gihapon an kondisyon hine nga may hamubo nga lebel han volcanic unrest.
Kasumpay hine, ginpapahinumduman an publiko nga magpabilin nga magin vigilante matungod ha posible ngan tigdaay nga pagbuto han volcanic earthquakes, manipis nga ashfall ngan pagbuga hiton nakakahilo nga gas.
