NATIONAL – Igin kakabaraka yana han Philippine Navy an pagdamo han Chinese Militia ha West Philippine Sea partikular na ha Escoda shoal ngan Iroquois Reefs ha nasabi nga kadagatan.
Ginbuhat han Philippine Navy an pahayag mahuman an nahipatik nga pagdamo han mga barko han China ha mga bahura nga ada ha sulod han Exclusive Economic Zone han Pilipinas.
Ha nagin pahayag ni Philippine Navy Spokesperson for the West Philippine Sea Rear Admiral Roy Vincent Trinidad, an sugad nga pitad ngan aksyon han China in daw makababaraka.
Nakit-an gihapon han ira tropa an pira nga mga guba nga corals nga gin aalegar binuhatan han China.
Ha pinakabag-o nga datos han Armed Forces of the Philippines, umabot na ha 40 nga mga Chinese Maritime Militia Vessels an ira nahipatik ha Escoda shoal.
Mas hitaas ine kumpara ha anay 12 Chinese Maritime Militia Vessels nga namonitor dida han mga nakalabay nga semana.
Maabot naman ha 17 nga barko han China an nasipatan ha Iroquois Reef.
Basar ha datos, maabot na ine ha 163 nga Chinese Maritime Militia Vessels nga ginkakalakipan na gihapon han Peoples Liberation Army Navy ngan China Coast Guard.
