NATIONAL – Gin kumpirma han Philippine Navy an posible nga pagbalhin han Abukuma-class destroyer escorts han Japan Maritime Self-Defense Force (JMSDF).
Ha usa nga pahayag, ginmalatumat han PN nga nagdudumara na hin mga pangandaman para ha Joint Visual Inspection han mga barko kasunod han opisyal nga imbitasyon tikang ha Japan’s Ministry of Defense.
An plabo daw nga inspeksyon in kaparte han mga ginpaplano nga pag-iistorya ha posible nga pagbabalhin han nasabi nga naval assests ha Pilipinas.
Dugang pa han PN, an nasabi nga destroyers nga gin disenyo para ha anti-submarine ngan anti-ship warfare in nakahan-ay ha operational requirements han Hukbong Dagat ng Pilipinas ha pagprotekta han maritime domains han nasud.
Subay ha PN, magpapadara hira hin delegasyon han naval experts tikang ha Pilipinas para magdumara hin halarom nga panginano ha mga barko.
An kagagawsan han inspeksyon in an magigin basaranan para ha deliberasyon han posible nga acquisition han mga barko ngan ha modernization efforts han Philippine Navy.
