NATIONAL – Maduon nga gin kontra han Philippine Navy an mga nagawas nga post ha Chinese social media nga nagpapahayag nga parte han China an Palawan, subay ha historical data.
Ha usa nga post ha X, gintagan-duon han Philippine Navy vessel nga BRP Sierra Madre nga an Palawan in parte han Pilipinas.
Igin duon pa hine nga dire ine angay pagdebatehan mahitungod nga kaparte ine han teritoryo han nasud ngan ginkikilala han international community kumo sovereign Philippine teritory, butang nga dire kaya bag-uhon han bisan hin-o.
Subay pa igin pagawas nga pahayag han PN, kaparte na liwat ine han waray kahumanan nga ‘map expansion’ nga ginbubuhat han China.
Baga-baga hin kun nauubusan na hin peke nga historical claim an China kasumpay ha WPS in sasakupon na hine an bug-os nga probinsya han Palawan nga direkta nga ada ha WPS.
Duon pa naman han PN-BRP Sierra Madre, bisan pa gaano kadamo nga state-sponsored propaganda an gumawas, non-negotiable an Palawan, ngan magpapabilin ine nga kaparte han Pilipinas.
