Nagdumara hin send-off ceremony an Philippine Navy para ha ira mga tawuhan nga makikiusa para ha 3rd International Fleet Review (IFR26) nga pinangunahan han Indian Navy ngan nakatalaan gihapon makiusa ha Multilateral Naval Exercise (MILAN) 2026.
An send-off ceremony naman in pinangunahan ni Naval Defense Command Acting Commander Rear Admiral Peter Jempsun De Guzman para ha mga marino nga nakatalaan magbiyahe tikadto ha Visakhapatnam, India.
Para naman ha nasabi nga paghag-id, igin padara han Philippine Navy an ira Malvar Class Guided Missile Frigate nga BRP Miguel Malvar nga ginmamanguluhan ni Captain Paul Michael Hechanova.
Panuyo naman han 3rd International Fleet Review (IFR26) nga magserbi nga plataporma para ha pagbabalyuay han mga ideya ngan pagpapadig-on han kooperasyon han mga kaapi nga nasud pag-abot ha kahimyangan, stabilidad, ngan development ha Indo-Pacific Region.
Samtang, an pakikiusa naman han Pilipinas ha duha nga paghag-id in nagpapakita la daw han ira mahugot nga komitment para ha mas ginpakusog nga international cooperation, maritime peace, ngan regional stability.
