NATIONAL – Bumaribad an Philippine Navy ha akusasyon han China ha Philippine Navy Corvette nga BRP Apolinario Mabini nga ilegal daw nga sumulod ha Scarborough shoal.
Subay ha Philippine Navy, otorisado an mga barko han Pilipinas nga i-challenge an bisan anu nga barko nga ada ha sulod han West Philippine Sea.
Ginbuhat han PH Navy an pahayag mahuman nga akusaran han Southern Theatre Navy an Philippine frigate hin daw ilegal nga pagsulod ha ira kadagatan nga seryoso daw nga pagtalapas ha soberanya ngan balaod han China.
Ginpahayag gihapon han Chinese Navy nga ginbabantayan ngan ginpapalakat daw gihapon hine an barko han PH.
Pero sumala kan Navy spokesperson for the WPS Rear Admiral Roy Vincent Trinidad, kaparte la ine han paningkamot han China nga balikuon an impormasyon para ha ira internal audience.
Dugang pa han opisyal, an Philippine Navy ngan iba pa nga Philippine-flagged law enforcement ships an mayda otoridad ngan legal nga basaranan agud ig challenge an bisan anuman nga barko ha sulod han maritime zone.
