NATIONAL–Ginpangunahan han Pilipinas, ha pinaagi han Department of Finance (DOF) ngan Bangko Sentral ng Pilipinas (BSP), an pagdumog han ASEAN Finance and Central Bank Deputies’ Meeting — Working Group (AFDCM-WG) agud nga igduso an mas makusog nga integrasyon pinansyal ha Southeast Asia.
Ha pagdumog in ginbuhat han ika 13 han Pebrero, kun diin gintagan hin duon ni DOF Undersecretary Joven Balbosa nga an pangunahaon nga tumong han nasud kay an pagsiguro nga an mga regional cooperation in magrersulta ha konkreto ga benepisuyo para ha mga Negosyo, mamumuhunan, ngan kada mulopyo han ASEAN.
An mga pangunahon nga prayoridad ha nasabi nga pagdumog in an creoss-border payments nga tumong igpakuusog an pagpapabarato han mga transakyon pinansyal ha parte han mga nasud; pagpapahaluag han akses ha mga serbisyo pinansyal para ha mas damo katawo ngan consolidation ha kapasidad han rehiyon nga umatubang ha mga krisis pan-ekonomiya, pagpapauswag han mercado agud nga suportahan an mga investment ngan panmaiha nga paguswag.
kumo co-chair, upod gihapon ha pamamangulo hi BSP Managing Director Thomas Benjamin Marcelo agud nga masiguro an mga aksyon nga magpapoakusog ha polisiya ngan kooperasyon han mga ekonomiya ha ASEAN.
An mga ginsabotan ha Bohol in igpapasaka ha ASEAN Finance ngan Central Bank Deputies’ and Governors’ Meetings ha katapusan nga parte han tuig kumo aperte han pagbug-os hin mas inklusibo ngan madig-on nga ASEAN Economic Community (AEC) mahuman an 2025.
