TACLOBAN CITY- Pagbubuhaton an dry run han no segregation, no collection policy ha syudad han Tacloban ha tiarabot na bulan han Abril yana na tuig 2018 gamit an pedicab.
Ini an guinkumpirma ni Henry Roca tagapagyakan han City Government han Tacloban pinaagi han pakipaghimangraw han Bombo Radyo.
Guinklaro pa ni Roca na kaparte ini han pitad han pamunuan han Tacloban kumo pagpatuman han balaod na Solid Waste Management Act.
Guinpaluyuhan guihapon ini han City Environment and Natural Resources (CENRO) ngan Mother Earth Foundation.
An pamahayag ni Henry Roca, tagapagyakan han City Government han Tacloban
Dugang pa hini, na ha pagkayana, na naset-up pala an Materials Recovery Facility (MRF) ha 48 na mga barangay han syudad.
Mababaruan na pedicab an pag-gagamiton ha pagpangolekta hin basaura ha kada tagsa na panimalay.
An dugang na pamahayag ni Henry Roca, tagapagyakan han City Government han Tacloban
Samtang, nananawagan naman an pamunuan han Tacloban ha publiko na makipagkoordinar han mga balaod na guinpapatuman han syudad para ha kaupayan han ngatanan.
