NATIONAL NEWS-– Ginbaribaran ni Philippine Coast Guard (PCG) spokesperson Commodore Jay Tarriela an imbitasyon ni Sen. Rodante Marcoleta para ha usa nag “friendly debate” ugsa hine igkonsidera an syahan nga offer nga bumisita ha West Philippine Sea (WPS) ngan Kalayaan Island Group (KIG).
Sumala kan Marcoleta, karuyag niya nga magkamayda hin dialogo kanda Tarriela, anay Associate Justice Antonio Carpio, ngan University of the Philippines Institute for Maritime Affairs and Law of the Sea director Jay Batongbacal.
Una na nga gin-imbitaran ni Tarriela hi Marcoleta nga umupod ha usa nga Maritime Domain Awareness (MDA) flight pakadto ha KIG mahuman nga magpahayag an senador ng pwede igsurender han Pilipinas an nasabi nga island group matungod pira ha mga feature hine in ada ha gawas han exclusive economic zone (EEZ) han nasud.
Dugang pa hine, nagtutuo hiya nga mabaribad gihapon hira Justice Antonio Carpio ngan Professor Jay Batongbacal, ngan an bisan hino nga Pilipinong nga may matin-aw nga panhunhuna ngan madig-on an legal nga posisyon han nasud.
Gin-esplikar hine nga an soberanya ngan sovereign rights han Pilipinas ha WPS in klarado nga gintindog han 2016 Arbitral Award, han Konstitusyon, ngan an mga nagpapadayon nga balaod han nasud.
Gintagan duon ni Tarriela nga kumo senador, trabaho ni Marcoleta nga depensaran an katungod han Pilipinas.
