NATIONAL–Natudlok na han Philippine Coast Guard (PCG) an lokasyon han nalunod nga MV Trisha Kerstin 3 ha kadagatan sakop hiton Baluk-Baluk Island, Basilan.
Sumala ha PCG, nakahigda an barko ha east-to-west nga posisyon.. Usa nga lawas an narekober ha lugar, sanglit umabot na ha 43 an ihap han mga namatay, samtang, 316 an nahipatik nga naitalwas.
Ginkumpirma gihapon han side-scan SONAR nga an nakit-an nga barko kay an MV Trisha Kerstin 3, baga man makuri la gihapon buhaton an operasyon mahitungod ha magkusog nga alon ngan hangin durot hiton Tropical Depression Basyang.
Mababaruan nga an MV Trisha Kerstin 3, usa nga passenger ferry nga panag-iya han Aleson Shippiung Lines, in nalunod ha dagat han Basilan han katutnga han ika 26 han Enero.
Ginlalaoman nga magpapadayon an diving operations yana nga Miyerkules, ika 5 han Pebrero.
