NATIONAL – Nagpapabilin la gihapon nga committed ha pagdepensa han soberanya ngan teritoryo han Pilipinas an mga tawuhan han Philippine Coast Guard.
Ine an gintagan-duon han ahensya ha kaluyo han pag-lakat han BRP Teresa Magbanua ha Sabina Shoal mahitungod ha kakulangan han pagkaon ngan tubig nga maiinom.
Mahitungod na gihapon ine han mga ginbuhat nga pagbalabag han mga barko han China ha resupply mission han mga barko han Pilipinas.
Ha usa nga pahayag, ginmalatumat ni Task Force on West Philippine Sea Commodore Jay Tarriela nga naka-abat gihapon hin maraot nga panahon an nasabi nga barko ha West Philippine Sea sanglit napirita ine nga bumalik ha pangpang.
Dehydrated naman an mga tawuhan hine mahitungod ha kawaray tubig nga maiinom ngan an pira in nagka-sakit na.
Gin klaro naman han opisyal nga dire ine nangangaruyag-sidngong nga igsusurender na hn Pilipinas an teritoryo hine.
