NATIONAL – Gin kumpirma han Philippine Coast Guard nga nagpadara ine hin aircraft harani ha Batanes agud ig challenge an research ship han China.
Ha usa nga pahayag, ginmalatumat ni PCG spokesperson for the West Philippine Sea (WPS) Commodore Jay Tarriela, nga gintagan hira in mando ni PCG chief Admiral Ronnie Gil Gavan nga ig dokumento an mga aktibidad han Chinese research vessel nga Zhong Shan Da Xue.
Kaupod ha tututukan han grupo an mga ilegal nga aktibidad han nasabi nga vessel ha sulod han Exclusive Economic Zone han Pilipinas ha Northern Luzon.
Sumala kan Tarriela, an Zhong Shan Da Xue in mayda kahilaba nga 114 meters ngan tonnage nga 2,300.
Lumakat ine ha China dida pa han Marso 31 han presente nga tuig.
Subat ha impormasyon han ahensya, sumulod an nasabi nga barko ha sulod han EEZ han nasud pasado alas-9 han gab-i dida han Aril 2 ngan tikang hadto in nagpabilin ha nasabi nga katubigan an barko.
