NATIONAL NEWS– Ginpanhimuwa han Philippine Coast Guard (PCG) nga waray basehan an claims an People’s Republic of China kasumpay ha insidente ha Bajo de Masinloc (BDM) han nakalabay nga Hunyo 15, 2025.
Ha iginpagawas nga statement ni PCG spokesperson for the West Philippine Sea (WPS) Commodore Jay Tarriela, gindig-unan han opisyal nga lehitimo nga nagdumara hin maritime patrol an barko han PCG nga BRP Teresa Magbanua ha exclusive economic zone (EEZ) han Pilipinas nasusubay ha UN Convention on the Law of the Sea (UNCLOS) ngan ha 2016 Arbitral Award para maprotektahan an mga parupangisda nga Pilipino ngan ha pagdepensar hiton sovereign rights han nasud ha pira nga parte han WPS.
Dugang pa ni Comm. Tarriela an bullying tactics han China Coast Guard in kaparte han pautro-utro nga ginhihimo nga coercion samtang nanginginlabot ha EEZ han PH kun diin ginbubutang hine ha kadelikaduhan an paglalayag han maritime jurisdiction han nasud.
