TACLOBAN CITY – Nanindugan ang Philippine Chamber of Commerce and Industry Tacloban – Leyte (PCCI) nga dire anay igpatuman an dagdag-sahod han mga kasambay ngan pribado nga sektor ha Rehiyon 8 mahitungod han presente nga sitwasyon hiton ekonomiya labi na ha mga negosyo.
Han ginbuhat nga Public Hearing on Minimum Wage Determination, ginpahayag ni Atty. Federico Felipe III G. Noel, PCCI Representative, ngan bisan man kun sinusuportahan nira an panuyuan han gobyerno nga mapaupay an pakabuhi han mga mananarabaho in kinahanglan daw gihapon ig-konsidera an kapas hiton mga negosyo nga makabawi.
Subay kan Atty Noel, nagpapabilin iton inflation rate ha rehiyon tikang han 0.6% han Mayo kutob 0.4% han Setyembre 202, diin nagpapakita ine nga dire pa nagkikinhanglan hin kadugangan nga pa-sweldo.
Gintagan-duon gihapon hine an mga ginkakaatubang nga mga problema han mga negosyante sugad han kadugangan nga gastos han transportasyon ngan pagsasara han mga negosyo ha Tacloban City, Ormoc City, ngan Catbalogan City mahitungod han rehabilitasyon ha San Juanico ngan Calbiga Bridge.
Ha pagkayana in ginpapamulat pa iton resulta han public hearing mahuman iton deliberasyon han Regional Tripartite Wages and Productivity Board. (via Bombo Shiela Encio)
