NATIONAL NEWS– Waray pa nakikit-an nga panginahanglan hi PBBM nga magpapatuman hin mandatory repatriation ha mga Pilipino nga aadto ha Israel ngan Iran.
Ine an ginatagahn duon ni Pangulong Ferdinand Marcos Jr.,ha padayon nga tensiyon ha butnga han duha nga nasud ha middle east.
Sumala kan Pangulong Marcos igtutubyan la anay nira yana ha mga pamilyang Pilipino nga aadto han duha nga nasud an desisyon kun karuyag han mga ine nga umole ha nasud.
Ginsigurado naman han Pangulo nga nakabantay an gobyerno ha sitwasyon han mga Overseas Filipino Workers OFWs nga aadto ha langyaw.
Dugang pa hiton Presidente, nakontak na an mga Pilipino ha Iran ngan Israel ngan ginkuha an ira opinyon, ngan an iba ha mga ine in karuyag nga magpabilin samtang an iba naman in karuyag nga umole na ha Pilipinas.
Ginatagan duon han Pangulo, dako nga ayat yana para hiton mga paluparan matungod nga sarado an mga ine tungod hiton kasamok nga ginkaka-atubang han nasabi nga mga nasud.
