NATIONAL–Ginmando ni Pangulong Ferdinand Marcos Jr. ha kapulisan ngan iba pa nga law enforcement agencies an mahugot ngan abtik nga pagpapatuman han balaod agud mapag-baton an mga dabi nawawara nga sabungero.
Ginmalatumat ni Palace Press Officer Undersecretary Claire Castro nga klaro an direktiba han Presidente nga ginpatuman an balaod, kalakip an dayon nga pag aresto ha mga mayada warrant of arrest.
Mababaruan nga una na nga ginpagawas an arrest warrants han Regional Tria Court han Sta. Cruz, Laguna, kontra ha mga akusado kalakip an negosyante nga hi Charlie ‘Atong’ Ang para ha kaso nga kidnapping ngan serious illegal detention kasumpay han pagkawara han pira ka sabungero.
Maabot ha 34 ka sabungeros an na-report nga nawawara tikang ha 2021 kutob 2022, nga ginbabana bana nga mayada kalabutan ha match-fixing o panlimbong ha sabong.
Ginserbe naman kakulop han Philippine National Police an warrant of arrest kontra kan Ang pero waray makit-e an negosyante.
