Ginbisita ni Presidente Ferdinand R. Marcos Jr. ha Valenzuela Medical Center (VMC) dida han Sabado agud personal nga panginanuon an pagpapatuman han zero balance billing policy ngan siguraduhon nga an mga Pilipino—labi na an mga kablas ngan bulnerable—in mayda access ha serbisyo nga panlawas.
Ine in kadungan han pagselebrar han Presidente ha iya ika-68 nga kaadlawon.
An zero balance billing policy in usa ha mga pangunahon nga inisyatiba han administrasyon Marcos nga panuyo nga tanggalon an direkta nga gastos han mga pasyente nga naka-confine ha mga ward o basic accommodation service han mga ospital nga ada ha ilarom han Department of Health (DOH).
Pag-abot han Presidente ha VMC in mapaso ine nga gintapo han mga medical professionals ngan staff han ospital nga mayda pa kapot nga banner han pagbati han iya kaadlawon.
Kaupod hine ha pagbisita an First Lady Louise Araneta-Marcos ngan an anak nga hi Joseph Simon Marcos.
Ginbisita han mga ine an magkaduru-dilian nga parte han hospital sugad han pediatric ward, Kangaroo Mother Care ward, ngan an surgery section.
