NATIONAL– Ginpadig-on nira Pangulong Ferdinand R. Marcos Jr. ngan Ukrainian President Volodymyr Zelenskyy an mapaso nga relasyon han Pilipinas ngan Ukraine pinaagi han pag-iistorya han duha nga lider ha telepono.
Ginpaghisgutan han mga ine an posible nga kooperasyon ha food security, agrikultura, ngan digitalization.
Sumala kan Pangulong Marcos, naglatag hira hin mga pamaagi agud nga padig-unon an sumpayan kumo pangandaman ha pangunguna han Piliipnas ha ASEAN ha masunod nga tuig, kalakip na an pagpapakusog han ASEAN–Ukraine engagement.
Manunumduman, binmisita hi Zelenskyy ha Malacañang hadton 2024 kun diin ginpahayag hine an pag-aabre han Ukrainian Embassy ha Manila, kun diin natindog an pormal nga sumpayan nga diplomatiko han duha nga nasud han tuig 1992.
Ha nagin post ni Zelensky, nagpadangat hiya hin pakikisubo ha Pilipinas para ha mga namatay matungod han bagyo.
Gindayaw naman hine an padayon nga suporta han Pilipinas ha peace efforts han Ukraine, kalakip na an ira sovereignty ngan territorial integrity.
