NATIONAL NEWS– Abre an buhatan ni Pangulong Ferdinand Marcos Jr. ha tanan nga suhestyon ngan mga rekomendasyon nga magpapa-ursa ha kinabuhi han mga Pilipino.
Ine an nagin pamahayag ni Palace Press Officer Usec Claire Castro, kasunod han nagin pamahayag han Office of the Vice President (OVP) nga dire hine ginsusuportahan hin pondo an opisina han OVP para han pira nga mga proyekto ngan programa.
Ginmalatumat ni Castro, nga abre an opisina han presidente, ngan dire hine babaribaran an mga maupay nga suhestyon tikang ha OVP.
Dugang pa hine, mayda mga higayon nga nagpahayag hi VP Sara nga maaram na ine hiton formula para mapahamubo an presyo han bugas ha Pilipinas, pero bumaribad ine nga igpaangbit ha gobyerno, butang nga nadire ine bumulig ha administrasyon.
